oskavad teha küll

Üts hummok om sääne
(Ilmar Vananurm)

Üts hummok om sääne,
ku tahas viil maada ja maada
Mille taa kikas nii kirg?
Mille taa lammas määg?
Mille pääväratas uibo pand laulma
ja sis uma kulladsõ tukiga näütäs
pliinikausi ja piimakruusi pääle
mis emal lavvalõ säet?

Üts hummok om sääne,
ku piluki silmi vahit
pääsokõist akna kotsil
ja kuulõt tihinät köögih.
Mille su lõhn siin padja pääl
tükis pliinidõ lõhnaga segi?
Ooda joba, kunas naaruga tulet
ja külmä vett mullõ tsiukat
mu unõnäo kerise pääle.